Слот потврдил дека еден стартер е неизвесен за утрешниот настап на Ливерпул

Ливерпул посакува да им се врати на победите во Премиер лигата, па по неочекуваниот пораз од Нотингем, викендов го пречекува Борнмут.

Менаџерот Арне Слот денеска одржал прес-конференција на која открил дека „црвените“ може да го одиграат натпреварот без својот прв голман.

Алисон беше во стартниот состав на Ливерпул на сите досегашни натпревари во Премиер лигата, па и на дуелот со Милан во Лигата на шампионите, кога и се искомплицирала неговата состојба.

– Алисон денеска веројатно нема да тренира, а ако биде така, тогаш утре сигурно нема да биде на голот.

– Има повреда уште од пред дуелот со Милан, но во Милано почувствува поголема болка. Треба да почекаме, засега не е сигурно дали ќе му требаат уште неколку денови за рехабилитација, – рекол Слот.