Слот открил дали ќе смета на Киеза на дербито со Манчестер Јунајтед

Ливерпул го ангажираше Федерико Киеза, со што ќе добие фудбалер со специфични квалитети, а менаџерот Арне Слот ќе има можност за дополнителни опции во нападот.

Италијанецот веќе е промовиран во црвениот дрес, но се чини дека нема да може да настапи на претстојното дерби со Манчестер Јунајтед.

Ливерпул викендов ќе се соочи со големиот ривал, но менаџерот Слот признал дека не го планира Киеза за оваа средба.

– Киеза од денеска ќе почне да тренира со новите соиграчи, но мали се шансите дека ќе биде во составот за неделниот натпревар.

– Одлуката може да се промени само ако има некој повреден играч, но јас не очекувам да биде во комбинација за дуелот со Јунајтед, – рекол Слот.