Слот откри кога Жота ќе се врати на терените

Диого Жота веќе некое време е надвор од фудбалските терени или поточно од дербито со Челси на кое ја напушти играта по половина час.

„Црвените“ добро се снаоѓаат и без неговите услуги, меѓутоа Португалецот е квалитетен играч и е потребен во ротацијата со оглед на напорниот распоред и амбиците на клубот кои се највисоки во сите натпреварувања. Жота уште некое време ќе биде во „аут“, но работите се движат во позитивен правец и менаџерот Арне Слот откри кога напаѓачот може да му се стави на располагање.

-Го очекуваме да се врати по паузата (репрезентативната). Првите недели по паузата. Секогаш велам дека има приватност за повредата. Тој ќе се врати една или две недели по паузата, -рече Слот.

Ливерпул по двонеделната пауза ќе се соочи со Саутемптон по што следуваат дерби натпревари со Реал Мадрид, Манчестер Сити, гостување кај Њукасл, градското дерби со Евертон…