Слот: Не сум изненаден од добриот старт на Ливерпул

Ливерпул е актуелен лидер во англиската Премиер лига и тој факт сам по себе е голем комплимент за менаџерот Арне Слот, кој прва сезона ги води „црвените“ откако дојде како замена за Јирген Клоп.

Во пресрет на дербито со Астон Вила, Слот зборувал за својата и противничката екипа, истакнувајќи дека тој не е изненаден од резултатите кои ги постигнува екипата од почетокот на сезоната.

– Не би рекол дека терминот изненадување е правилен во однос на резултатите кои ги постигнуваме, затоа што сум свесен за квалитетот на оваа екипа.

– Но, знаеме дека квалитетот е една работа, а постојаноста и одржувањето посакувана форма е нешто друго. Не сум изненаден затоа што секојдневно гледам колку енергија вложуваат моите фудбалери.

– Понекогаш ни е потребна и среќа, иако мора да кажам дека најголем број резултати ги постигнавме заслужено, – рекол Слот.

Ливерпул има два бода предност во однос на шампионот Манчестер Сити, а утре ја пречекува Астон Вила во реткиот саботен термин од 21 часот.