Слот: Гвардиола ќе најде решение, но може да почека до следната недела

Ливерпул и Манчестер Сити се наоѓаат во целосно различна форма и резултатска серија, па нивното престојно соочување предизвикува многу внимание кај светската фудбалска јавност.

„Црвените“ го дочекуваат дербито со осум бодови предност и со евентуална победа ќе имаат голема залиха во однос на актуелниот англиски шампион.

Менаџерот Арне Слот сепак не дозволува еуфорија во својот тим, а повторно поделил многу комплименти за Пеп Гвардиола, кој никогаш во кариерата немал толку негативна серија.

– Сите зборуваат само за нивните резултати, но треба да се анализира и подетално.

– Против Брајтон можеа да постигнат уште два или три гола пред пресвртот, против Тотенхем можеа да водат со два или три гола разлика, нешто слично беше и против Феенорд. Но, тоа нема да се случува постојано.

– Тие се уште се многу квалитетен тим, а она поради што сметам дека Гвардиола е најдобар менаџер, е фактот што секогаш наоѓа решение за проблемот на својот тим. Сите знаеме дека тоа ќе се случи и сега, но нека се случи наредната недела, – рекол Слот.