Скопје и „украде“ два бода на Струга, фуриозна партија на Шкупи во Прилеп

Екипата на Скопје направи уште едно пријатно изненадување во Првата македонска фудбалска, па така откако во минатото коло во нокаутираше шампионот Шкупи на негов терен (1-0) денеска остана непоразена и во пресметката со актуелниот лидер Струга Трим Лум.

Гостите долго време водеа на средбата во Автокоманда со атрактивниот гол на Ибраими (15 минута), но тоа минимално водство секогаш знае да биде критично, па така избраниците на Мирсад Јонуз по една убава акција во 87 минута дојдоа до бод преку Мусанга кој стрелаше со глава.

Шкупи пак ја уништи Победа со 6-0 во Прилеп. Со овој триумф чаирчани ја минаа Шкендија и дојдоа до второто место на табелата.

На другите дуели Академија Пандев и Работнички одиграа без голови исто како и Тиквеш и Силекс, додека пак Брегалница во Штип беше подобра од Македонија Ѓорче Петров со 2-1.