Сколс типуваше кој ќе ја освои Премиер лигата: Очекувам кршење на историскиот циклус

Пол Сколс се уште не го вметнува Манчестер Јунајтед меѓу тимовите кои можат да се борат за највисок пласман во Премиер лигат, па на некоолку дена пред стартот на новата сезона, легендарниот играч за врска гледа само два изразити фаворити.

Сколс вели дека Манчестер Сити мора да се смета за фаворит за титулата после историскиот потфат од четири освоени титули во низа, но сепак верува дека претстојнава сезона ќе видиме крај на таа серија.

Незаборавниот играч за врска верува дека Арсенал ќе го направи потребниот исчекор кој не успеа да го реализира во изминативе две години, и дека конечно ќе стави крај на дводецениското чекање во Премиер лигата.

– Мислам дека фаворитите се ониее истите од лани. Манчестер Сити е главен фаворит, тесно следен од Арсенал. Сепак, јас очекувам Арсенал да биде тимот кој ќе слави оваа сезона.

– Мислам дека правилно се развиваа и прогресираа изминативе години под водство на Микел Артета. Се надевам дека оваа година ќе биде сезоната во која ќе бидат подготвени за да одат докрај. Нема да биде лесно, има и други силни тимови, но верувам дека Арсенал ќе биде тимот кој ќе скрши циклусот на Манчестер Сити, – вели Сколс за „Беин Спортс“.