Сколс со јасен став околу местото на Пол Погба во тимот на Манчестер Јунајтед: Ќе мора сериозно…

Легендарниот поранешен фудбалер на Манчестер Јунајтед, Пол Сколс даде свој став за враќањето на Пол Погба во првиот тим на „црвените ѓаволи“.

Според Сколс, Погба ќе мора да докаже дека заслужува да биде во првиот тим на Манчестер Јунајтед од кој отсуствува уште од Боксинг Деј.

Во Манчестер Јунајтед го очекуваа неговото враќање на терените, но Сколс вели дека по одличните партии на Фред, Мектомини, Матиќ и Бруно Фернандеш, францускиот фудбалер ќе мора да се испоти за да докаже дека заслужува место во тимот.

– Пол има доста да сработи за да се врати во тимот. Пред паузата може да се каже дека играчите кои играа, Немања Матиќ, Скот Мектомини и Фред беа навистина добри во средината на теренот.

– Не верувам дека Пол ќе се врати туку така во тимот. Тој има работа за да се избори за место во стартниот тим, но сите знаеме на што е способен Пол. Тој е топ играч кога ќе е во форма.

– Секогаш играте со најдобрите играчи, секако дека тој ќе биде од корист на тимот пред продолжувањето на сезоната, -изјави Сколс.