Сколс образложи зошто Верон не успеа во Јунајтед

Пол Сколс цела своја играчка кариера ја мина во Манчестер Јунајтед и во еден момент се врати и од пензија за повторно да ја освои титулата во Премиер лигата, сето тоа по барање на легендарниот Сер Алекс Фергусон со кого имаше специјален и уникатен однос.

Сколс е еден од играчите кои најдобро го познаваат карактерот на Ферги и еден од оние кои ги имаат видено сите лица на Шкотланѓанецот, а поради долгиот стаж на „Олд Трафорд“, тој беше сведок и на многу големи трансфери, некои крајно успешни, а некои не толку.

Во оваа втората статистика за жал спаѓа и легендарниот Хуан Себастијан Верон, кој сепак не успеа да се снајде во шампионскиот тим на Јунајтед, без оглед на тоа што пристигна како огромно засилување.

– Сите знаат дека Верон беше брилијантен, навистина неверојатен фудбалер. Но, едноставно не му одговораше начинот на кој игравме, стартегијата не му одеше во прилог. Или игравме 4-4-1-1, или стандардно 4-4-2, – вели Сколси за Аргентинецот кој мина само две години на „Олд Трафорд“.

– Тоа беше многу едноставно, никогаш не беше 4-3-3, а тој беше фантастичен за таа формација. Тој систем не можеше да пројде со тројца играчи како мене, Верон и Рој Кин.  Затоа не дојде до израз, – потенцира Сколс за „Би-Би-Си“.