Сколс го посочи најлошото засилување во историјата на Јунајтед: Не знаеше да шутне топка, немав видено такво нешто!

Пол Сколс беше гостин во „Оверлап“ шоуто кое го спонзорира „Скај Бет“, а во ситуација кога негови соговорници беа новинарот Давид Орнстајн и Џејми Карагер, легендата на Манчестер Јунајтед се наврати и на некои подамнешни времиња на „Олд Трафорд“.

Карагер во еден момент напомена дека Хуан Себастијан Верон најверојатно е најлошото засилување во историјата на Јунајтед, став со кој не се согласи Сколс кој пак порача дека најлош ангажман бил оној на Марк Боснич.

– Верон најлош? Не би рекол, тој беше извонреден играч, фудбалер со огромен талент. Навистина не знам зошто не успеа во Јунајтед, но тој беше неверојатен играч.

– Кога ќе помислам на најлошите, се навраќам на голманите со кои се обидуваме да го замениме Петер Шмајхел. Имавме неколку, но јас посебно го паметам Марк Боснич.

– Тој беше добар голман во Астон Вила, дојде кај нас и се однесуваше максимално непрофесионално. Да бидам искрен, изгледаше смешно во Јунајтед. Кога голманите имаат пракса за деганжмани, обично има по 15 или 20 шута, а тој после три бараше некој друг да ја шутира топката наместо него.

– Тој не можеше да шутне топка, никогаш немав видено нешто слично. Се сеќавам дека игравме против Евертон во првото коло, тој не можеше да ја шутне топката до средина. Немаше ветер, условите беа перфектни, но тој не можеше да ја шутне топката. Кога ќе го видите неговото стапало, од што е големо, ви станува јасно дека истото му заглавува во земја. Тоа беше навистина разочарувачки да се гледа, – открива Сколс.