Сколс доведе во прашање три бомбастични засилувања на Јунајтед: Не може да одговара само менаџерот!

Пол Сколс во едно од своите последни обраќање призна дека е изнеанден од техничките квалитети на Касемиро и го пофали Бразилецот за своите офанзивни додавања, но сепак легендата на Манчестер Јунајтед сепак не е воодушевена од сумата која беше платена за искусниот фудбалер, но и долгиот договор кој го доби.

Во разговорот со Гери Невил, неповторливиот играч за врска потенцира дека во клубот и натаму нема човек кој е одговорен за регрутирање и селектирање на правилни фудбалери, при што посочи три големи ѕвезди кои смета дека се непотребно донесени, или за нив се потрошени повеќе пари од потребното.

– Џејдон Санчо е млад фудбалер за кој Манчестер Јунајтед потроши огромни пари, а притоа тој не беше докажан во оваа лига. Покрај него, минатата сезона дојде и Варан.

– Зошто клуб како Реал би се откажал лесно од Варан? Ако погледнете како играше минатата сезона, сигурно ќе заклучите дека нешто не е во ред. Тоа не беше добар преоден рок.

– И натаму нема човек кој треба да презема одговорност во клубот за регрутирање играчи. Ова лето, Касемиро беше договорен за два дена. Се сомневам дека тој беше избор на менаџерот Тен Хаг. Тој доби многу пари, но и многу долг договор. Мора да се стави човек кој ќе одговара за регрутирањето, не може секогаш виновен да биде тренерот, – вели Сколс.