Поврзете се со нас

Репрезентација

Скендеровски по ремито во Врање: Бодот против Србија е голем подвиг

Објавено

на

blank

Македонската футсал репрезентација освои голем бод на гостувањето во Србија, задржувајќи ги шансите за пласман на Европското првенство.

Избранците на селекторот Васко Скендеровски одиграа 1:1 во Врање, иако во составот ги немаше важните Де Соуса и Ранготов.

Скендеровски по натпреварот не го криеше задоволството од остварениот резултат.

– Честитки за момците, тие се најзаслужни за еден од најголемите резултати кои ги има остварено нашата футсал репрезентација.

– Да се освои бод на гостински терен против една селекција која е од првиот барабан, а ние сме дел од четвртиот, е рамно на светско чудо. Навистина имавме и среќа, но таа ги следи храбрите. Не сакам да издвојам никого од тимот, но Петровски правеше чуда на голот, а мене многу ми помогнаа анализите на Мато Станковиќ.

– Ако се додаде дека бевме без двајца членови на стартниот состав (Де Соуса и Ранготов), навистина сме горди како ја претставивме Македонија во Врање. Вратите за пласман на ЕП ни се ширум отворени, сега треба да одиме паметно и чекор по чекор, – изјави Скендеровски по големиот успех на футсал селекцијата.

По три кола, Македонија има 2 бода, колку што имаат и Србија и Романија, додека Босна и Херцеговина е со максимален учинок и 9 бодови на врвот на табелата.

Реклама
Реклама
Реклама

Популарни