Скапо засилување на Брајтон настрада по само шест минути, противникот не доби ни картон (Видео)

Брајтон успеа да се пласира во третото коло на Лига купот, но може да плати скапа цена за дебито на засилувањето од кое се очекува многу сезонава.

Се работи за Мет О’Рајли, кој пристигна од редовите на Селтик само 24 часа пред натпреварот и заработи незгодна повреда уште во 6. минута од натпреварот.

О’Рајли наскоро беше и повлечен од игра, па сега „галебите“ ќе треперат за неговиот проблем, со оглед на тоа платија речиси 30 милиони евра и очекуваа многу од новиот играч во средниот ред.

За да биде поинтересно, Џеј Вилијамс од тимот на Кроули не доби ниту жолт картон за стартот кој е најмалку за таква опомена.

Atrocious tackle from Jay Williams on Matt O’Riley, no attempt to play the ball, high tackle. Should be off with a red card! #BHAFC pic.twitter.com/fpdvUEXknI

— Golden Gate Seagulls (@GoldenGateGulls) August 27, 2024

Менаџерот Хурцелер извади целосно променет прв тим во однос на екипата која го победи Манчестер Јунајтед во првенството, а на крајот Брајтон лесно го совлада Кроули Таун со убедливи 4:0.

Пред натпреварот, домашните фанови го поздравиле и Ферди Кардиоглу, кој е доведен од редовите на Фенербахче.