Скандалот од Ла Лига доби разрешница после пет години: Елитен шпански фудбалер доби казна поради сексуален напад на маскота (Видео)

Уго Малјо долги години беше дел од шпанската елита и своевремено ја носеше и капитенската лента на Селта Виго, но сега како член на Арис го дозна епилогот од судската разрешница која доцни цели пет години.

Шпанскиот десен бек доби лична пријава од женската маскота на Еспањол во 2019-та година, а цели пет години подоцна, дефанзивецот беше прогласен за виновен за невкусен сексуален чин.

При стандардното поздравување со домашните фудбалери, Малјо на споменатиот натпревар против каталонците ја фатил за гради девојката која го носела костимот, па овој скандал со маскотата долги години се влечеше низ судовите во Барселона.

Целосната разврска пристигна ова попладне, откако главниот судија процени дека има простор за парична казна од 7 илјади евра, со тоа што фудбалерот ќе треба да ги сноси и сите судски трошоци низ годините.

Малјо при исказите се правдаше дека не го знаел полот на маскотата која била облечена во папагалски костим, но судот во Барселона го прогласи за виновен и го натера да плати парична казна.

Hugo Mallo declarado culpable de ‘abuso sexual’ por tocar los pechos de la empleada del RCD Espanyol que trabajaba como mascota del equipo.

📌Condena de 20 meses, más una multa de 6.000€, más una indemnización de 1.000€ a la víctima, por daño moral. pic.twitter.com/enOELyDkzu

— La cara B del futbol (@lacarabfutbol_) September 12, 2024