Скалони за состојбата на Меси пред дерби пресметките: Немаше многу натпревари…

Аргентина ја очекуваат два тешки натпревари во наредниве денови, поточно соочувања со Уругвај и Бразил во квалификациите за Светското првенство кое ќе се одржи во 2026 година.

„Гаучосите“ сакаат да ја продолжат одличната серија, да продолжат да победуваат, но тоа дефинитивно многу ќе зависи и од капитенот Лионел Меси кој во изминатиов период имаше проблеми со повредата за да потоа заврши сезоната за Интер Мајами и тој последниот меч го има одиграно на 21 октомври против Шарлот.

Сепак селекторот Лионел Скалони не гледа никаков проблем и уверува дека Меси е спремен и во добра форма за да го даде максумумот.

-Како е Меси? Тој е во добра форма и покрај тоа што немаше многу натпревари во последниот месец, доаѓа во форма бидејќи тренираше. Тој е добар, -истакна Скалони кој даде краток коментар и за дебатите околу „Златната топка“.

-Навистина не ги разбирам оние кои зборуваат за Златната топка на Лео. Претпоставувам тоа го прават затоа што сакаат да генерираат дебата, но веќе не верувам дека има потреба од дебата, -заклучи аргентинскиот селектор.