Скалони за иднината на Меси: Му посакувам само една работа

Лионел Меси се уште ја нема продолжено соработката со Пари Сен Жермен, а тоа секако отвара многу дилеми кога е во прашање неговата иднина со оглед на тоа што актуелниот договор му завршува во месец јуни.

Дел од медиумите пренесуваат дека шансите се се помали Аргентинецот да остане на „Паркот на принцовите“ и токму поради ова се отвара простор за неговот можно враќање во Барселона, преселба во МЛС лигата…меѓутоа засега се се тоа шпекулации.

Сигурно во наредниот период ќе се расчистат некои работи, а во однос на иднината на ветеранот свој коментар имаше селекторот Лионел Скалони. Скалони му посака една работа на соанродникот, да биде во клуб во кој ќе игра и во кој ќе биде среќен.

-Јас не сум во неговата глава, не знам што размислува, не знам што ќе направи. Она што го сакам е тој да игра, да биде на теренот, да биде среќен. Би сакал да продолжи да игра. 102 голови. Се надевам дека има повеќе. Го заслужува целото признание. Добро е што беше на аргентинска тло и тоа има посебна вредност, -порача Скалано.