Скалони за две талентирани фудбалски имиња: Среќен сум што ја одбраа Аргентина пред Шпанија

Аргентинскиот селектор Лионел Скалони реализирал интервју за „Газета дело Спорт“ и во него зборувал на разни теми, вклучувајќи го и потенцијалот на одредени фудбалери кои во иднина треба да бидат важни играчи за актуелниот светски шампион.

Скалони потенцирал дека Марио Ретеги направил свој избор кога ја избрал Италија пред Аргентина, но дека е среќен што таков чекор не направиле други двајца талентирани играчи.

– Никого не можеме на сила да тераме да игра за Аргентина, а Ретеги ја избра Италија.

– Од друга страна, Алехандро Гарначо и Нико Паз ја избраа Аргентина пред Шпанија и многу сме среќни поради тоа.

– Немаме право да се мешаме во вакви одлуки, тие се фудбалери, но личноста и нејзиниот избор доаѓаат на прво место, – рекол Скалони.