Скалони се налути: Што сакате? Сакате предвреме да го пензионирате Меси?

Аргентина има нов испит во квалификациите за Светското првенство, соочување со Перу во Лима кое е закажано за утре во раните утрински часови (04:00).

Капитенот на „гаучосите“, Лионел Меси е во комбинација за настап, но се уште останува отворено прашањето на каков начин ќе биде искористен со оглед на тоа што во изминатиов период беше повреден и му треба време за да влезе во посакуваниот ритам.

-Лео е во ред. Тој додава минути од тренингот. Ние ќе ја донесеме одлуката. Прашање е на минути, колку може да игра. Ако е во ред, знаете што мислам, ќе игра. Секогаш се трудиме да играме со оние кои се на 100 проценти или блиску до 100 проценти. Многу е тешко за сите да бидат најдобио што можат на овие натпревари, така што може да има варијации во однос на натпреварот против Парагвај, -рече селекторот Лионел Скалони кој им се налути на оние кои уште од сега размислуваат за животот без Меси, поточно што ќе се случи кога асот на Интер Мајами нема повеќе да биде достапен за националниот тим.

-Да имаме на ум дека тој се уште е тука. Каков начин да се размислува за тоа „кога ќе го нема“. Вистината е дека уште е активен, да го оставиме на мира, дали веќе го пензионираме? Вршиме харакири, сите сме луди, -порача Скалони.

Инаку Лео сигурно планира да игра со Аргентина на Копа Америка во 2024 година, а дали ќе биде спремен за настап на Мундијалот во 2026 година останува под голем знак прашалник.