Скалони ги нападна аргентинските новинари: Дали се обидувате да и помогнете на Холандија?

Аргентина се обидува да се искачи на тронот на светскиот фудбал, но за да успее тоа да го направи ќе мора успешно да мине уште неколку чекори од кои првиот е Холандија.

„Лалињата“ се незгоден ривал предводен од искусниот Луи Ван Гал што значи дека „гаучосите“ се тежок тест за да влезат во финалето. Околу аргентинската селекција има и некои прашања, дилеми околу играчкиот кадар, па се појавија информациите де Родриго Де Пол има некои проблеми.

Ваквите вести, прашања го изнервираа селекторот Лионел Скалани кој имаше што да им порача на медиумите од неговата земја.

-Нашиот тренинг  сесија беше зад затворени врати, зошто ме прашуваш за Де Пол? Дали се обидувате да и помогнете на Холандија? Не е добро за нас кога информациите протекуваат во медиумите, сето тоа е многу чудно.

-Има уште еден тренинг и ќе видиме дали Родриго и [Ди Марија] ќе можат да играат или не. Системот исто така веројатно ќе зависи од тоа како крилните играчи се чувствуваат физички, бидејќи најважно е кој и да игра да биде на 100 проценти, -порача Скалони.

Средбата Аргентина-Холандија се игра утре од 20 часот.