Сити постави статуа од Агуеро која личи на Крос, играчот на Реал се јави со коментар (Фото)

Манчестер Сити постави статуа од Серхио Кун Агуеро пред „Итихад“ со што ја обележа дестгодишнината од неверојатниот кам-бек против КПР кој им донесе титула во последните моменти од сезоната.

Клучен играч на тој натпревар беше токму Агуеро, чија статуа во иднина ќе стои пред стаионот на Манчестер Сити.

Поставувањето на истата предизвика низа реакции во јавноста затоа што фудбалерот кој е поставен воопшто не личи на аргентинскиот офанзивец, па очигледно скулпторот добро ја утнал работата.

Според многумина, статуата повеќе личи на Тони Крос од Реал Мадрид отколку на фудбалерот кој годинава поради срцеви проблеми стави крај на играчката кариера.

Со зајадлив коментар на социјалните мрежи се јави и самиот Крос кој ја сподели објавата на еден од новинарите на која е потврдено поставувањето на статуата на Серхио Агуеро и над објавата само саркастично напиша: „Сигурни сте?“ алудирајќи дека фигурата повеќе личи на него.

Sure? https://t.co/m7M0Owc9q9

— Toni Kroos (@ToniKroos) May 13, 2022