Сити остана без важен играч на неодреден период

Манчестер Сити сезонава не успеа да ги испорача очекуваните резултати во сите натпреварувања во кои настапува, а една од причините е и постојаниот проблем со повредени играчи.

Пеп Гвардиола сега добил лоша вест во однос на статусот на искусниот Мануел Аканџи, фудбалер кој нема да биде во комбинација во засега неодреден период.

Швајцарскиот интернационалец заработи мускулна повреда на дербито со Реал Мадрид во Лигата на шампионите, а сега е јасно дека дефинитивно нема да биде во комбинација за реваншот кој ќе се игра на „Бернабеу“.

Дополнителен проблем за Гвардиола е што дефанзивецот ќе го пропушти и домашното дерби со Ливерпул, кое е закажано за 23. февруари, а медиумите најавуваат дека проблемот може да се покаже и како посериозен, но засега клубот тактизира со официјалната информација.

Покрај ударот кој Сити го заработи со повредата на Родри, сезонава најмногу проблеми има токму одбраната, па Стоунс, Диаш и Аке неодамна се вратија во комбинација откако и самите се рехабилитираа од повреди.