Сити израмни рекорд на Јунајтед, Гвардиола го надмина Фергусон

Манчестер Сити без никакви проблеми ги обезбеди три бода во соочувањето со Слован во Братислава, победа од 4-0, победа која е прва за премиерлигашот во новиот формат на Лигата на шампионите.

Фаворитот даде по два гола во двете полувремиња во средба во која најдобар на теренот беше Фил Фоден кој на крајот го понесе признаието МВП. Овој резултат воедно значеше дека Сити израмни еден неверојатен рекорд на Јунајтед во ЛШ, а тоа е серија од 25 натпревари без пораз во оваа конкурецнија.

Јунајтед своевремено дојде до овој резултат од 2007 до 2009 година, додека пак нивниот градски ривал ја започна низата од сезоната 2021-22 кога го забележа последниот пораз.

Воедно Пеп Гвардиола го надмина и достигнувањето на сер Алекс Фергусон, поточно Сити има добиено 13 натпревари со 4 или повеќе разлика со што е надминат шкотскиот стратег кој дојде до бројката од 12 водејќи го тимот од „Оллд Трафорд“.