Сити има договор со фудбалер на Ливерпул, подготвени 70 милиони евра за шокантен трансфер

Манчестер Сити не му создаде проблеми на Хулијан Алварез во реализацијата на неговата желба да се пресели во Атлетико Мадрид, но сега ќе се обиде интелигентно да ги реинвестира парите заработени од трансферот.

Аргентинецот замина во Шпанија, а Пеп Гвардиола и неговите соработници пикирале фудбалер на Ливерпул како најсоодветна замена за наредните години.

Се работи за колумбискиот репрезентативец Луис Диаз, со кого наводно Сити веќе има договор околу личните услови, но ќе треба да го убеди и Ливерпул да го дозволи трансферот.

Најмалку 70 милиони евра ќе бидат платени за крилниот напаѓач кој секогаш е голема опасност за противничките одбрани, а ваквиот трансфер сигурно силно би одекнал кај премиерлигашките фанови и англиската фудбалска јавност.

Диаз досега се покажа како одлична инвестиција за Ливерпул, откако на „Енфилд“ се пресели пред две сезони од редовите на Порто.