Сите очи беа вперени кон Мбапе, но главна разлика на „Бернабеу“ направија резервите на Анчелоти (Видео)

Реал Мадрид одигра разочарувачко прво полувреме на домашен терен и играчите беа испратени со неколку свирежи на паузата, но во вториот дел, европските шампиони дефинитивно го оправдаа статусот на фаворити.

Сите очи ова попладне беа вперени кон Килијан Мбапе од кого се очекуваше да го постигна својот прв гол во дресот на Реал на дебито на „Сантијаго Бернабеу“, но Французинот сепак ќе мора да почека на такво нешто уште некое време.

Реал беше крајно неинвентивен во воведните 45 минути и Валјадолид без проблеми се бранеше од налетите на Винисиус, Мбапе и Родриго, но тоа се промени на стартот на вториот дел.

Еден слободен удар заврши со гол на Феде Валверде за водство од 1:0, но за клучна разлика на теренот се чекаше до самата завршница, кога најважниот дел од работата ја заврши Брахим Дијаз.

Дијаз го замени Гулер и одигра навистина извонредни 20-тина минути, во кои постигна гол за 2:0, по што асистираше и до Ендрик кој го постигна својот деби гол во домот на Реал Мадрид.

Видеото погледнете го ТУКА