Сите играчи на Реал дојдоа со автомобили од клупскиот спонзор, само еден со „ѕвер“ од речиси милион евра (Видео)

По речиси двомесечна пауза, играчите на Реал Мадрид полека се привикнуваат на редовната практика и започнаа со тренинзите кои се водат под посебни услови, а враќањето на ѕвездите во Валдебебас центарот ги врати и новинарите пред портите на комплексот на „кралевите“.

Во текот на денешниот ден, познатиот медиум „АС“ улови една интересна сцена пред влезот на центарот, видео вест со која долови дека само еден играч од првиот тим не го испочитува протоколот кој вели дека фудбалерите од првиот тим треба да се возат со возилото од клупскиот спонзор.

Сите фудбалери на Реал пристигнаа со автомобилите добиени од спонзорот Ауди, но тоа не важеше и за голманот Ареола кој на тренингот пристигна со моќен „ѕвер“, односно Мерцедес Брабус чија пазарна вредност е околу еден милион евра.

Французинот беше единствениот кој не дојде со автомобилот добиен од клубот, а иако политиката на Реал во овој поглед не е позната, не треба да се заборави дека неговиот сонародник Коман пред извесно време заработи казна од Баерн Минхен за идентичен потег.