Сите беа во неверица: Реакцијата на Мбапе по второто ремек-дело на Рајс (Видео)

Деклан Рајс ниту еднаш во својата кариера не успеа да постигне гол од слободен удар, се до вчеравечер во големата пресметка со Реал Мадрид во Лигата на шампиони, натпревар на кој во два наврати успеа да го матира Тибо Куртоа.

Играчот за врска на Арсенал двапати стрелаше директно од прекин и режираше ремек-дела за најавните шпици, со тоа што мора да се признае дека вториот погодок беше поубав и од оној првиот.

Рајс презентираше целосно различни техники при изведувањето на двата удари и се прикажа во улога на врвен мајстор за слободни, а фактот што тоа му успеа против еден од најдобрите голмани на денешницата, ги прави неговите погодоци уште повредни.

Соиграчите од Арсенал се фаќаа за глава откако Рајс изведе перфектен удар за 2:0, а рамнодушен не остана ниту Килијан Мбапе.

Телевизиската камера го улови потегот на Французинот непосредно по погодокот, па видеото веќе на големо се врти на социјалните мрежи.

Even Kylian Mbappé couldn't deny Declan Rice's second free kick 😮‍💨 pic.twitter.com/BEPWUwFi1M

— CBS Sports Golazo ⚽️ (@CBSSportsGolazo) April 8, 2025