Поврзете се со нас

Европски првенства

Сиригу: Сите го чекаа мојот ритуал пред секој меч на ЕП!

Објавено

на

Салваторе Сиригу доби мала минутажа од Роберто Манчини на натперварот против Велс и запиша настап на Европското првенство, турнир кој искуснииот чувар на мрежата повеќе ќе го памети по неговата заткулисна улога во соблекувалната и во хотелските соби.

На Сиригу му заврши договорот со Торино и Европското првенство го играше како слободен агент, но тој во ниту еден момент не размислувал на трансфер пазарот, бидејќи максимално се насочил кон тоа да им биде неизмерна поддршка на своите соиграчи.

Поранешниот голман на ПСЖ со огромна страст го славеше европскиот трофеј, кој Италијанците ќе го паметат и по неговите говори и пораки пред секој одигран натпревар.

– Пораките дојдоа сами од себе, се се случи случајно. Пред мечот со Турција, им испратив порака на сите играчи во заедничката група на социјалните мрежи.

– Од тој момент, тоа стана ритуал. Сите го чекаа мојот ритуал пред секој натпревар. На почетокот ги подготвував пораките, а потоа се се случуваше спонтано и спонтано ми доаѓаа мотивациските пораки. Во фудбалот постојат ритуали и суеверија, па ова го продолживме на секој натпревар до крајот. Пред финалето, не можев да спијам, па напишав порака за секој поединечно, дури и за себе. Направив и видео со дел од моето семејство и Кјелини остана трогнат кога го виде сето тоа, – открива Сиригу.

Реклама
Реклама
Реклама

Популарни