Синот на Роналдињо потпишал за англиски клуб

Роналдињо останува запаметен како еден од најдобрите фудбалери во историјата, но и специфичен тип на играч кој е реткост во современиот фудбал.

Неговиот син Жоао Мендеш се обидува да ги следи стапките на славниот татко, а својот нов предизвик решил да го побара во Англија.

Вчера 19-годишниот напаѓач ставил потпис на договор со екипата на Барнли, довчерашниот премиерлигаш кој сезонава се врати во Чемпионшип и веќе ја отвори новата сезона.

Мендеш дојде од младинската академија на Барселона на која и се приклучи минатата година, а претходно настапуваше во Крузеиро.

Фановите на Барнли се возбудени поради фактот што менаџерот Скот Паркер ќе добие интересен тип на фудбалер во своите редови, но останува да се види дали Бразилецот ќе ги исполни очекувањата на теренот.