Синот на Буфон добил повик за настап во репрезентацијата на Чешка

Постариот син на Џиџи Буфон добил прв повик за настап во фудбалска репрезентација, но интересно тоа е селекцијата на Чешка, а не на Италија.

17-годишниот Луис Томас Буфон е играч за врска и настапува во редовите на Пиза, а сега ќе го има првиот предизвик како дел од една репрезентација.

Буфон јуниор има право за настап за Чешка поради потеклото на својата мајка Алена Шередова, чешкиот топ модел и партнерка на легендарниот голман се до нивниот развод во 2014 година.

Луис Томас досега нема сениорски настап, но постигнал 4 гола на 18 натпревари за Примавера тимот на Пиза.

Интересно е што Буфон во моментов извршува директорска функција во италијанската сениорска репрезентација и сигурно сака да го види својот син во дресот на „азурите“, но позитивно за него е што до одреден период фудбалерите можат да ја променат репрезентацијата за која настапуваат.