Синклер: Има само еден човек кој може да го врати Гвардиола во Барселона

Некогашниот играч на Манчестер Сити и екс англиски репрезентативец, Тревор Синклер верува дека Пеп Гвардиола може да го напушти островот и да се врати во неговиот матичен клуб Барселона.

Шпанецот има договор со „граѓаните“ до 2021 година што го остава во позиција добро да размисли за следниот негов потег особено ако остане на сила забраната за Сити за настап во Лигата на шампионите. Наредната година во Барса воедно има претседателски избори, а еден од кандидатите Жоан Лапорта веќе најави дека ако победи ќе се обиде да го врати Гвардиола на „Камп Ноу“.

Лапорта: Чави треба да ја донесе вистинската одлука!

-Лапорта беше во Барселона кога Гвардиола беше тренер на младиот тим и потоа го постави како тренер на првата екипа со која освои 14 трофеи за четири години…какво неверојатно партнерство. Вие немате таков вид на партнерство со личност во клуб што го сакате…Пеп е каталонец.

-Ако заминете, мислам дека срцето секогаш ќе се обидува да ве врати дома и мислам дека ако има една личност која може да го врати Пеп Гвардиола во Барселона, тоа е Жоан Лапорта.

-Временската скала, во 2021 година кога договорот на Пеп ќе заврши, ќе сака да ја заврши работата и да ја освои ЛШ со Манчестер Сити, но можеби нема да може тоа да го напарави во зависност од тоа што се случува со забраната од УЕФА.

-На човечко ниво, знаеме дека Пеп ја загуби својата мајка поради коронавирусот и чувствувам дека Барселона го влече дома и има добри шанси тој да заврши назад во Барселона, -порача Синклер.