Синер жали што не настапи во Париз: Ми беше една од главните цели, срцето ми е скршено

Првиот светски рекет, Јаник Синер мораше да го откаже настапот на Летните Олимписки Игри во Париз каде дефинитивно ќе бое еден од топ фаворитите за златото во поединечна конкуренција.

Меѓутоа проблемот со здравјето, воспалување на крајниците беше причина да донесе тешка одлука, ситуација за која ќе му биде потребно време за да ја заборави.

-Неиграњето на Олимпијадата ми го скрши срцето. Учеството на неа беше една од главните цели оваа година. Понекогаш не можете ништо да направите освен да прифатите неповолна ситуација и да се обидете, иако не е лесно, да најдете позитивен пристап. Ако ништо друго, Лоренцо Музети го освои бронзениот медал. Тоа значи дека Италија е среќна, па и јас сум среќен, -истакна Синер кој се подготвува за настап на АТП турнирот во Монтреал.