Синер со порака по триумфот на Ју-Ес Опен: Го сакам овој спорт…

Јаник Синер го преслуша Тејлор Фриц и дојде до пехарот на последниот грен слем во оваа календарска година Ју-Ес Опен.

Италијанецот славеше со 3-0 во сетови и на тој начин потврди дека е најдобар на светот, а тоа го покажува и најновата АТП листа.

Ова за Синер беше второ славје на најголемите турнири во 2024 година, победа која доаѓа по допинг скандалот, победа која многу му значи.

-Специјално е да ја освојам мојата втора слем титула овде по одлични две недели. Ви благодарим за целата поддршка, ова многу значи.

-Го сакам овој спорт и ми значи се, време е да уживам во овој момент со мојот тим и моето семејство пред да се вратиме на работа до крајот на годината. Работата никогаш не запира, ние продолжуваме да притискаме, -порача Јаник.