Синер со магичен удар ги воодушеви фановите во Пекинг (Видео)

Јаник Синер покажа дека е емотивно и ментално многу силен и стабилен со освоената титула на Ју-Ес Опен, а Италијанецот продолжува во ист стил и по новиот заплет со допинг аферата.

Светскиот рекет број еден останува смирен и по најавата на ВАДА дека бара двегодишна суспензија за Италијанецот, нешто што го демонстрираше и денеска на теренот во Пекинг.

Синер беше сериозно предизвикан од Јири Лехечка и се чинеше дека мечот ќе оди во одлучувачки трет сет, но на крајот уште еднаш ја видовме на дело психолошката моќ на Јаник.

Италијанецот спаси две сет топки во тајбрејкот во вториот сет при 6:5 и 6:5, а со четири поени во низа го освои вториот сет и стигна до победа.

Синер режираше и еден тениски деликатес на мрежа на овој меч, па само покажува дека е во извонредна форма по освоената титула во Њујорк.

Во полуфиналето, Јаник ќе игра против Кинезот Јунчаокете Бу, додека во второто полуфинале силите ќе ги одмерат Алкарас и Медведев.

Never count Jannik out 😎@JannikSin with a tremendous get at #ChinaOpen pic.twitter.com/WVNe6UYvuG

— Tennis TV (@TennisTV) September 30, 2024