Синер се бори за престижен трофеј, но и за заработка од 11 милиони долари за еден месец

Јаник Синер стигна до финалето на завршниот Мастерс во Торино без загубен сет и очекувано ја има улогата на фаворит и на денешното финале со Тејлор Фриц.

Домашните фанови ќе бидат дополнителна мотивација за светскиот рекет број еден, кој со триумф само ќе ја зацврсти позицијата на АТП ранкингот во финишот на календарската година.

Синер истовремено атакува и на уште една голема парична награда, со што може да стигне до речиси 11 милиони долари за нецел месец.

Италијанецот неодамна победи на егзибицискиот турнир во Саудиска Арабија на кој инкасираше 6 милиони долари, а ако победи денеска против Фриц, ќе добие максимални 4,88 милиони долари и од Мастерсот во Торино.

Финалето Синер-Фриц започнува во 18 часот.