Синер: Поправив три елементи за да станам светски рекет број еден

Јаник Синер се најде во средина на скандал пред Ју-Ес Опен и беше јасно дека ќе игра под голем притисок во Њујорк, но засега Италијанецот одлично се носи со тоа и стигна до втората недела на Флешинг Медоус.

Светскиот рекет број еден испорача доста добри докази за да мине без суспензија поради два позитивни допинг тестови во месец март, па откако ја остави оваа епизода зад себе, реши максимално да се фокусира на своите настапи на грен слемот во Њујорк.

Синер мина три кола и во осминафиналето за противник го има домашниот тенисер Томи Пол, предизвик кој сигурно ќе биде најголем за него во досегашниот тек на турнирот.

– Мечот со Томи ќе биде голем предизвик за мене. Неговиот тенис е многу квалитетен, а поготово кога игра пред своја публика. Очекувам емотивен меч во кој ќе решаваат нијанси, – изјави Синер, кој во најавата ги испорачал и трите елементи кои направиле да стане светски рекет број еден.

– Поправив три елементи за да бидам број еден. Најмногу го поправив движењето, потоа целата физичка состојба, како и сервисот. Поготово напреднав на втор сервис, барем тоа е она што го вели мојот тренер Гери Кејхил. Тој добро ја познава мојата позиција и знае кои проблеми можат да се појават во процесот на напредок, – вели Синер.