Синер: Не постои правило колку време треба да паузирам

Јаник Синер дојде до уште еден голем резултат во оваа 2024 година, пехар на последниот календарски грен слем „Ју-Ес Опен“.

Италијанецот се справи со големиот притисок, вревата која ја имаше по допинг скандалот, одигра супер турнир и славеше во Њујорк за потврда на доминацијата во оваа година, првото место на АТП листата.

Сега се врати дома, ја посети и болната тетка, а и минува време со своите најблиско семејство и пријателите.

-Ако не уживате во победата, сè е бескорисно. Кога постигнувате одредени цели, мора да уживате во нив.

-Не постои правило за тоа колку дена да се земе. Јас и мојот тим добро се познаваме, знаеме дека по овој турнир ќе ми требаат уште 4-5 дена одмор од вообичаеното, -порача првито светски рекет.

Синер викендов ќе му се приклучи на италијанскиот Дејвис куп тим, но таму ќе биде само како навивач.