Синер му се реваншираше на Алкарас и го врати Ѓоковиќ на врвот

Јаник Синер го победи Карлос Алкарас во Мајами (2:1), реванширајќи му се на големиот ривал за поразот на Индијан Велс.

Италијанецот славеше во уште еден возбудлив дуел со Алкарас во полуфиналето на Мастерсот во Мајами, со што си обезбеди битка за трофејот на овој престижен турнир.

Шпанецот го доби првиот сет во тај-брејк, но Синер возврати на посакуван начин, добивајќи ги следните два сета со 6:4 и 6:2 за целосен пресврт на мечот.

Противник на Синер во финалето ќе му биде Данил Медведев, што е најава за уште еден атрактивен меч во Мајами.

Поразот на Алкарас значи дека тој нема да го одбрани максималниот број поени од минатогодишното издание, па Новак Ѓоковиќ ќе се врати на врвот на АТП ранкингот во понеделник.