Синер го пополни тимот со двајца верни сојузници на Ѓоковиќ (Фото)

Јаник Синер ја преброди допинг аферата и успеа да заборави на немилиот настан со освоена титула на Ју-Ес Опен, а за време на турнирот се збогуваше со двајца членови од својот тим кој придонесоа да се најде во средина на скандал.

Италијанскиот тенисер ги отпушти кондицискиот тренер и физиотерапевтот и на тој начин остави простор за голема промена во неговиот тим во завршницата од оваа календарска година, но многу брзо успеа да го пополни истиот со многу познати имиња.

Интересно, светскиот рекет број еден реши да ангажира луѓе кои веќе го знаат рецептот за победа и кои освоија многу големи нешта заедно со Новак Ѓоковиќ, па со тоа добива и гаранција дека ги избрал едни од најдобрите во светот на тенисот во овој момент.

Синер преку социјалните мрежи соопшти дека на неговиот тим се придружиле Марко Паники како кондицински тренер и Улисес Бадио како физиотерапевт, луѓе кои доскоро бевме навикнати да ги гледаме во боксот на најголемиот грем слем шампион.

Јаник во досегашниот тек на 2024-та година освои два грен слем турнири, а до крајот на натпреварувачката сезона сигурно главна цел ќе му биде да го одбрани првото место на АТП листата, но и да освои уште некој важен трофеј.

View this post on Instagram

A post shared by Jannik Sinner (@janniksin)