Синер го „пецна“ Ѓоковиќ, па брзо реши да ја избрише објавата од социјалните мрежи (Фото)

Јаник Синер пред една година го тргна Новак Ѓоковиќ од тронот на Аустралијан Опен и му нанесе пораз во полуфиналето на турнирот, па поради неверојатната сезона која ја остави зад себе, Италијанецот сега влегува и како прв фаворит за трофејот во Мелбурн.

Светскиот рекет број еден ќе ја брани титулата во наредните две недели и останува да види како ќе се справи со притисокот, а на два дена пред почетокот на турнирот, имаше една објава која брзо предизвика доста реакции.

Синер преку социјалните мрежи објави видео од споменатото полуфинале од минатата сезона, но многу брзо реши да го избрише истото бидејќи му донесе негативни коментари.

Во описот на видеото пишуваше „Синер го детронизира Ѓоковиќ“, а бидејќи фан-базата на Србинот го сфати ова како директна провокација, Италијанецот брзо го избриша постот од својот официјален профил.

Синер лани го победи Ноле во полуфиналето со 3:1 во сетови, за потоа да прави и чудесен пресврт во финалето во кое успеа да го совлада Данил Медведев.

Someone from Jannik Sinner team or Jannik himself just tweeted a random post with a caption saying Sinner dethroning Djokovic.

The post has now been deleted. I kept the screen shot. Make of that what you will. pic.twitter.com/KyrdDh24p3

— Pavvy G (@pavyg) January 11, 2025