Синер „експлодираше“ по добиениот меч со Зверев, испиша историја во Синсинати (Видео)

Јаник Синер изминатиот период имаше повеќе проблеми поради кои не успеа да стигне до посакуваните резултати, а во последен момент го откажа и настапот на Олимписките игри во Париз.

Мастерсот во Синсинати за него е одлична увертира за претстојниот Ју-Ес Опен, а Италијанецот не крие дека е пресреќен поради пласманот во финалето на овој престижен турнир.

Синер го доби тешкиот меч со Саша Зверев со 2:1 во сетови, а вообичаено мирниот Италијанец кој не покажува премногу емоции на теренот ја прослави добиената меч топка со вресок кој ги изненади сите оние кои ги следат неговите настапи.

Тоа е само потврда за задоволството од постигнатиот резултат, кој значи и историја за турнирот во Синсинати, бидејќи Синер е прв Италијанец кој се нашол во мечот за трофеј.

Tre ore di battaglia contro un super Zverev. Sinner a tratti dolorante (ancora all’anca…) ma in crescendo. Che testa. A prescindere da come andrà la finale: questa è una delle sue vittorie più importanti. Reazione e rabbia. Jannik guerriero#Cincytennispic.twitter.com/kMkcM6bbUW

— Lia Capizzi (@LiaCapizzi) August 19, 2024

Противник на Синер ќе му биде американскиот ривал Френсис Тиафо, кој во полуфиналето во три сета го победи Холгер Руне.