Поврзете се со нас

Репрезентација

Симовски по триумфот над Грција: Минимална, но слатка победа

Објавено

на

Македонската женска ракометна репрезентација победи на сите три натпревари од квалификациската група за пласман на СП и ќе го очекува противникот во баражот двомечот, кој е закажан веќе за следниот месец.

Селекторот Симе Симовски и неговите избранички ја остварија основната цел, а тоа е сигурниот настап во групата со Литванија, Исланд и Грција, иако Симовски призна дека не е најзадоволен од настапот на денешниот дуел со грчката селекција.

– Победа си е победа и им честитам на ракометарките за резултот, но не сум комплетно задоволен од начинот на кој игравме денеска.

– Успеавме да направиме промени во играта и тоа резултатираше со пресврт на теренот, поведовме и победивме во една инфаркт завршница. Победивме со еден гол разлика, но сепак и ова е слатка победа, – истакна Симовски.

Симовски го анализираше и целосниот настап на квалификацискиот турнир во Скопје.

– Задоволен сум од фактот што остваривме три победи, беше и малку напорно бидејќи немавме настап година и пол како што треба. Подготовките беа кратки, но ракометарките добро го прифатија начинот на работа, па во иднина одиме на нови победи.

– Овој настап ќе ја зголеми и самодовербата, па сега ни останува да го сочекаме противникот во баражот. Не сум размислувал за посакувана репрезентација, но би било добро да ги избегнеме најсилните селекции, – рече Симовски по крајот на квалификацискиот турнир во Скопје.

Реклама
Реклама
Реклама

Популарни