Симонс ја промени одлуката и им се приклучува на соиграчите во Филаделфија

Бен Симонс ги изненадил своите соиграчи и раководството на Филаделфија, решавајќи да се врати во тимот од кој тврдеше дека ќе си замине по секоја цена.

Симонс најави дека не планира веќе да го носи дресот на Филаделфија и загуби сериозна сума пари поради тоа што досега не тренираше и играше со соиграчите, за сега да реши да направи нов пресврт.

Според американските медиуми, Симонс најмногу им се лутел на навивачите на 76-ките, кои се исмејувале со неговите промашувања претходната сезона.

Австралиецот направил ковид тест и ја започнал процедурата со која ќе се приклучи на тренинзите и подготовките за новата НБА сезона.

Филаделфија би можела повторно да размислува за размена на незадоволниот играч по 15 декември, но досега раководството не успеало да најде опција за соодветен трејд