Симиќ со 18 играчи ќе ги започне подготовките за ЕП во Измир

Селекторот на македонската кошаркарска репрезентација до 18 години, Тони Симиќ ги избра играчите со кои ќе го започне официјалните подготовки за Европското Првенство за јуниори што ќе се одржи во Измир.

По неколку селективни тренинзи Симиќ се одлучи за 18 кошаркари со кои ќе ги започне подготовките за шампионатот во Турција. Лидер на оваа генерација е членот на Барселона, Тео Симиќ, а од „странците“ тука се Рубин Стефанов и Ненад Јовановиќ од Италија како и Петар Башоски од СБА Академија од Шпанија.

Првиот собир на машката јуниорска репрезентација е закажан за в среда (15. јуни) во малата сала на Кале со почеток во 18:00 часот.