Симеоне заклучи кој е најдобар тим во Ла Лига по ремито со Реал

Диего Симеоне успеа да освои бод на гостувањето на „Сантијаго Бернабеу“, дерби на кое тимот на аргентинскиот стручњак воглавно се закануваше од контра-напади.

Супер вест за Атлетико беше тоа што поведе од пенал во првото полувреме и тоа направи блокот на Чоло да биде уште посилен, но раниот погодок на Килијан Мбапе во второто полувреме направи натпреварот да добие на интензитет.

Реал брзо можеше да дојде и до пресврт во акцијата во која Белингам ја погоди гредата, меѓутоа стопроцентна шанса имаше и Џулијано Симеоне кој од идеална позиција биеше доста лошо.

– Во првото полувреме бевме многу добро поставени, иако ни недостасуваше точност во противничката половина. Во второто полувреме се смени моментумот со нивниот гол и гредата која ја погодија.

– Интензитетот се зголеми, но и ние имавме шанси. Покрја онаа на Џулијано, Љоренте во два наврати беше во опасни ситуации. Затоа си заминуваме со чувство дека можевме да освоиме и нешто повеќе од бод, – вели Симеоне, кој и натаму тврди дека најдобар тим во Ла Лига е третопласираната Барселона.

– Засега сме втори во оваа трка и сме во навистина добра позиција. Се уште инсистирам дека Барселона е најдобар тим во Шпанија. Играат многу добар фудбал, имаат фантастични фудбалери и ако до крајот на викендот победат против Севилја, табелата ќе биде неверојатно возбудлива. Новинарите ќе имаат за што да зборуваат, – заврши Чоло.