Симеоне за случајот Олмо и Барселона: Се надеваме…

Регистрацијата на Дани Олмо и Пау Виктор и понатаму е една од главните фудбалски вести во Шпанија, односно останува дилемата дали Барселона ќе успее да го реши проблемот или до крајот на сезоната можеби и подолго ќе остане без овие двајца играчи.

Со оглед на тоа што и другите клубови со внимание го следат овој случај, свој коментар имаше можност да даде предводникот на Атлетико Мадрид, Диего Сименоне кој беше јасен и директен.

-Едноставно се надеваме правилата ќе важат за сите и не се сомневам дека ќе биде така. Ако продолжи да игра, јас тоа ќе го поздравувам, а ако правилата велат не, тогаш тој нема да може да игра, -порачал Чоло кој го подготвува својот тим за предвизвикот во Купот на Шпанија.