Симеоне за најскапото летно засилување: Му беше потребно време…

Атлетико Мадрид игра се подобро и подобро и потврда за тоа се седумте победи во низа од кои две дојдоа во текот на оваа седмица и тоа супер убедливи на гостински терен против Спарта Прага во Лигата на шампионите (6-0) и Валјадолид во Примера (5-0).

„Душекџиите“ играат ефикасноо, убедливо, а во ритам влегува и скапо платеното летно засилување Хулијан Алварез кој пристигна од Манчестер Сити. Имаше критики за Аргентинецот во одреден период, но вчера забележа гол и асистенции, претходно реализираше двапати против Спарта што говори дека е на вистинскиот пат и тоа добро го знае тренерот Диего Симеоне.

-Му требаше време. На сите фудбалери им треба време, а тие што имаат хиерархија треба да се чекаат. Хулијан откако почна, отиде од помалку на повеќе. Порасна во неговата способност да толкува како игра Атлетико. Тој доаѓа од различен стил во Аргентина, а исто така сосема поинаков во Сити.

-Му требаше време. Ова е Атлетико, тие се подобро го толкуваат. Сите негови атрибути му прават добро на нашиот тим, -порача Чоло.