Симеоне со искрена изјава по импресивниот гол на неговиот син: Не очекував дека ќе игра ваков фудбал (Видео)

Атлетико го затвори 31-то коло во Ла Лига со победа од 4:2 над Валјадолид, натпревар на кој уште еднаш до израз дојде синот на Диего Симеоне.

Џулијано е вистинско откровение во стартната постава на аргентинскиот стручњак и мора да се признае дека со своите изданија самиот се избори за таков статус, а бидејќи и вчера воодушеви со нов импресивен гол на „Метрополитано“, новинарите успеаја да извлечат и интересна изјава од Чоло.

– Да бидам искрен, не очекував да игра ваков фудбал оваа сезона. Очекував да ни помогне, но не очекував дека ќе биде толку важен за тимот.

– Игра добро од самиот старт и се надевам дека ќе го одржи ова ниво и во иднина. Никој не му подари ништо во Алтетико, а никој нема да му помогне и во иднина. Знае дека се треба да заработи, особено поради тоа што многу добро ме познава, – изјави Симеоне.

За Џулијано вчерашниот гол беше втор во Ла Лига оваа сезона, а вкупно во сите натпреварувања има пет погодоци и седум асистенции.

Голот против Валјадолид погледнете го ТУКА