Симеоне разреши две дилеми, Анчелоти со двајца повратници во стартната постава (Фото)

Големото мадрилењео дерби меѓу Реал и Атлетико ќе добие своја нова епизода вечерва, и тоа на најголема европска сцена во Лигата на шампиони.

Реал ќе биде домаќин на првиот од двата осминафинални натревари во осминафиналето, па иако се очекува пласманот во четвртфиналето да се одлучува на „Метрополитано“, многу важен ќе биде и резултатот од првата пресметка.

Карло Анчелоти направи неколку промени во стартниот тим во споредба од мечот со Бетис, но најважно за него е што во стартниот тим му се вратија Асенсио и Феде Валверде кој беше неизвесен за настап до последен момент.

Играњето на Уругваецот е од круцијално значење за тимот на Карло Анчелоти, па тој вечерва ќе ја покрива десната бековска позиција. Асенсио ќе биде до него како десен стопер, друштво во срцето на одбраната му прави Ридигер, а лево е поставен Менди.

Стандардно на голот на Реал е Куртоа, средниот ред го сочинуваат Камавинга, Чуамени и Брахим кој го менува суспендираниот Белингам, додека во нападот е ударниот трио Винисиус, Родриго, Мбапе.

Од друга страна, Чоло Симеоне непосредно пред натпреварот ги реши двете најголеми дилеми во стартната постава, но на крајот реши да го стави Хименез пред Ле Норман во одбраната, како и да игра со Лино како крило, наместо со трет играч за врска во средниот ред.

Облак, Љоренте, Хименез, Ленгле, Галан, Де Паул, Бариос, Симеоне, Лино, Гризман и Алварез.

📋✅ ¡Nuestro XI inicial!
🆚 @Atleti pic.twitter.com/X8whcMR6c0

— Real Madrid C.F. (@realmadrid) March 4, 2025

XI ❤️🤍 pic.twitter.com/qID600074n

— Atlético de Madrid (@Atleti) March 4, 2025