Симеоне пред градското дерби: Реал се уште е во потрага по наследник на Крос

Атлетико Мадрид утре ќе се соочи со градскиот ривал Реал, а кај гостите не само што ќе го нема повредениот Килијан Мбапе, туку по долго време во средниот ред ќе отсуствува играч како Тони Крос.

Германецот реши да ја заврши кариерата, а Диего Симеоне смета дека неговата одлука дефинитивно го ослабела противникот кој има голема офанзивна моќ.

– Реал загуби многу важен играч со заминувањето или пензионирањето на Крос.

– Тој е неверојатен фудбалер, потребен за секој тим и играч каков што посакува секој тренер.

– Реал сега е во процес во кој се обидува да најде замена за Крос, односно фудбалер кој со својата смиреност ќе овозможи да се искористи големиот офанзивен потенцијал на екипата, – рекол Симеоне.