Симан го издвои најдобриот голман во историјата: Тој внесе нов стил во Премиер лигата

Дејвид Симан е големо голманско име, ас кој долги години беше најдобар англиски голман и меѓу најквалитетните на светот, голман кој најмногу е запаметен по периодот во Арсенал каде што мина 13 години.

Тој низ кариерата се соочи со доста предизвици, имаше можност да се радува и освојува титули, поточно мина низ долг пат во кој остави печат и дефинитивно неговото мислење има тежина кога е во прашање фудбалот особено за позицијата на која настапуваше.

Токму Дејвид имаше можност да одговори на интересно прашања за тоа кој е најдобриот голман во историјата на ПЛ, прашање на кое одговори јасно и директно.

-Морам да одам со Питер Шмајхел. Погледнете што направи и што постигна. Начинот на кој го чуваше голот беше сосема различен од мене, очигледно функционираат и двата стила, но тој внесе нов стил во Премиер лигата, -порача Симан.